Прилеп, 27 септември (МИА) - Она што се случи со издавањето на Енциклопедијата очигледно ги навреди Албанците во Република Македонија, изјави денеска премиерот Никола Груевски при неговата посета на Крушево, одговарајќи на новинарско прашање како ја коментира изјавата на Али Ахмети дека со ова дело на МАНУ е нарушено примирјето меѓу Албанците и Македонците од 2001 година.
- Во ситуација, генерално кажано, кога има некој навреден, добро е двете страни, независно од аргументите на едната или на другата, и независно кој е во право или не е или кој како ги чувствува работите, да разговараат и преку разговор, дијалог, разбирање и взаемно почитување да дојдат до одредено решение на проблемот, рече Груевски.
Прашан дали ќе се сретне со Ахмети, премиерот Груевски одговори дека со лидерот на ДУИ имаат средби одвреме - навреме и оти тоа не е посебен проблем.