Почесниот конзулат на Словенија во Битола прераснува во Генерален конзулат

Битола, 27 октомври (МИА) - На свечена церемонија организирана од Амбасадата на Република Словенија во Република Македонија, вечерва во Битола почесниот конзулат на оваа држава беше преименуван во Генерален конзулат. Битолчанецот Михајло Мојсов ќе биде словенечки генерален конзул.  

- Длабоко сум убеден дека зголемувањето на рангот на почесниот конзулат на Република Словенија во Генерален конзулат, ќе придонесе за продлабочување на сите односи меѓу Словенците и Македонците, односно меѓу двете држави, рече словенечкиот амбасадор во Македонија Алан Брајан Бергант.

Бергант рече дека словенечките пратеници во Европскиот парламент, како и надлежната министерка за внатрешни работи на седницата на Советот за правосудство и внатрешни работи, на крајот на ноември, во Брисел, ќе ја поддржи препораката на Европската Комисија за визна либерализација на македонските државјани од 1 јануари 2010. 

- Безвизниот режим ќе придонесе за понатамошно продолабочување на соработката меѓу нашите две држави, истакна на вечерашната свеченост во Битола, словенечкиот амбасадор.

Амбасадорот Бергант посочи на словеченките инвестиции и соработката меѓу бизнисмените од двете држави, како и активноста на македонско-словенечкото друштво „Триглав“  и искажа оптимизам за македонските евро-интеграции.

- Сметам дека Република Македонија заслужува на 7 декември во Брисел да добие датум за предпристапни преговори за членство во Европската Унија. Словенија ја поддржува Република Македонија на патот кон ЕУ и НАТО и затоа секогаш можете да сметате на нашата поддршка, нагласи словенечкиот амбасадор.

Од 11 конзулати во Битола, на исто толку европски држави, словенечкиот, е трет со ранг на Генерален конзулат и со зголемени надлежности и ингеренции.

- Преку конзулатот ја интезивиравме соработката со нашиот збратимен словенечки град Крањ, а воспоставивме и соработка со Марибор и Љубљана. Соработуваме и со неколку словенечки министерства, организации и фондации и така ќе продолжиме, рече битолскиот градоначалник Владимир Талески.

По повод промоцијата на почесниот словенечки конзулат во Генерален конзулат на Република Словенија во Република Македонија со седиште во Битола, вечерва во Заводот и Музеј беше отворена изложба од словенечкиот академски сликар Марко Бутина.



Прочитајте: затвори
  • РЕПЕРТОАРИ
IDIVIDI Сервиси
IDIVIDI Речник
Powered by MagnumPRO
Download
Временска прогноза

Претежно облаци

20°C
Битола
Дожд
16°C
Охрид
Претежно облаци
20°C
Скопје
Виц на денот
Влегува калуѓерка кај игуманијата и и вели:
"Замислете Мајко, одев низ шумата кога наиде еден гад и ме силуваше. Што да правам?"
"Не грижи се, ќерко, само оди и изеди три...
 
 
WEBmail
IDIVIDI Радио
Македонски
Македонски
Pop
Classical
Dance
Hip-Hop
Jazz
Rock
Ambient
Tehno&Trance
Состојба на патиштата
На регионалниот пат Пробиштип – Кратово поради појава на свлечиште, на влез во Кратово воведена е забрана за движење на автобуси и товарни моторни возила со тежина над 7,5 тони....
Верски календар
пророк Самуил. Свети пророк Самуил живееше околу 1100 години пред Христа. Беше родум од местото Рамат, или Ариметеја, и беше дете измолено од Бога од мајка му Ана, која долго...
На денешен ден
1941.- Македонскиот поет и револуционер Коле...
1944.- Ослободен е Демир Хисар.
1944.- Президиумот на АСНОМ на својата трета...
1944.- Кај селото Отиштино, титовелешко од...