Атина, 12 ноември (МИА) - Медијаторот Метју Нимиц денеска во Њујорк ќе се сретне со претставникот на Грција во грчко-македонските разговори за името Адемантиос Василакис.
Нимиц, како што најавуваат грчките медиуми, в сабота ќе се сретне и со македонскиот преговарач, амбасадорот Зоран Јолевски.
„Та Неа“ и „Елефтеротипија“ објавуваат дека од резултатите на срдбите со Ваислакис и со Јолевски, Нимиц ќе реши дали ќе закаже заеднички состанок со двајцата дипломати в понеделник.
Грчките весници пишуваат и дека македонските власти преферираат прашањето за името да се решава според хрватско-словенечкиот модел, без блокирање на процесот на евроитеграција. Ја пренесуваат изјавата на македонскиот премиер Никола Груевски дека евентуалната нова грчка блокада во декември би значела дека Атина не сака решение за името, како и на шефот на дипломатијата Антонио Милошоски оти спорот меѓу Македонија и Грција треба да се решава по примерот на Хрватска и Словенија, со директни средби во духот на европската соработка и добрососедството.