Скопје, 11 јануари (МИА) - Уставниот суд денеска преку соопштение реагира на, како што се наведува, зачестените реакции во врска со решението на Судот за поведување постапка за оценување на уставноста на членот 162 од Законот за внатрешните работи и на изречената привремена мерка, како и за квалификациите за негово политичко одлучување и партиско делување.
- Уставниот суд укажува дека правната основа за неговото постапување е Уставот на Република Македонија, дека неговата надлежност е да ја штити уставноста и дека таа своја надлежност и понатаму доследно ќе ја остварува, без да дозволи какво и да е влијание во врска со прашањата од неговиот делокруг и начинот на неговата работа утврден со Уставот на Република Македонија и Деловникот на Уставниот суд, стои во соопштението од Судот.