Скопје, 9 февруари (МИА) - Посредникот на ОН во спорот за името Метју Нимиц на 23 февруари доаѓа во Скопје на разговори со македонските власти, потврдија од македонското МНР.
- Овој предложен датум од страна на македонската Влада медијаторот Нимиц го прифати, и го потврди своето доаѓање во Скопје, велат од МНР.
Во македонското МНР се надеваат дека наскоро и грчката страна ќе усогласи термин со медијаторот Нимиц за посета на Атина.
Портпаролката на ОН Ванеса Маестрачи вчера соопшти дека амбасадорот Нимиц работи на усогласување заеднички прифатлив датум за посета на регионот на покана на владите на двете земји. Датумот ќе биде објавен откако ќе биде постигнат договор за тоа.