Атина, 23 февруари (МИА) - Односите меѓу Атина и Скопје се на „критичен крстопат“, оценува посредникот во македонско -грчките разговори за името Метју Нимиц во интервју за грчката телевизија „Нет“.
- Односите меѓу двете земји се на критичен крстопат, а прашањето добива и меѓународна димензија, изјави Нимиц.
Се надева дека раководствата на двете земји ќе покажат лидерски способности и креативност и ќе направат напори да се постигне прогрес за време на неговите овонеделни посети на Скопје и Атина.
Според „Нет“, Нимиц во Македонија и во Грција носи пакет нови идеи базирани на иницијативите од двете страни и негови претходно дадени предлози.
Посредникот на ОН денеска и утре е во Скопје, а на 26 февруари ќе ја посети Атина.