Атина, 5 април (МИА) - Грција може да го прифати името „Северна Македонија“ како решение на 19-годишниот спор со поранешната југословенска република, изјави грчкиот заменик-министер за надворешни работи Димитрис Друцас.
- Ако македонските власти го отфрлат името „Северна Македонија“, ќе треба да му објаснат на својот народ зошто го лишуваат од европската перспектива, се наведува во изјавата на Друцас што ја пренесуваат грчките медиуми.
Друцас натаму наведува дека „Грција сака решение, и тоа брзо решение“. - Можеме тоа да го постигнеме, но Скопје прво треба да даде докази за својата политичка волја“, додава Друцас.