Штип, 7 април (МИА) - Во Рудникот за олово и цинк „Саса“ - Македонска Каменица изутрината околу 5 часот и 30 минути загина 50-годишниот рудар Ѓорѓи С.
Според портпаролот на СВР Штип Снежана Санева, телото на загинатиот рудар се уште се наоѓа во рударската јама каде што екипи на полициската станица од Македонска Каменица, истражен судија, основен јавен обвинител и државен рударски инспектор вршат увид на местото на несреќата.
Според првичните информации, рударот загинал додека вршел ископ на руда во јамата при што во критичниот момент врз него се паднал одрон од карпи.
Санева вели дека подетални информации за несреќата ќе бидат објавени по завршувањето на истрагата.