Скопје, 7 мај 2010 (МИА) - Мермерна статуа висока пет метри поставена на постамент со височина од 2,5 метри на првиот претседател на президиумот на АСНОМ Методија Андонов Ченто денеска ќе биде поставена во центарот на Скопје.
Тој е првиот споменик кој е рачно изработен од мермер во Галерија Пиедро Базанти во Италија, а постаментот го изработи градежната компанија "Бетон#.
Споменикот е дел од проектот Скопје 2014. На почетокот на минатиот месец на плоштадот Македонија во Скопје, пред Камениот мост беа поставени спомениците на Гоцe Делчев и Даме Груев, први во рамките на проектот.