Скопје, 22 јуни 2010 (МИА) - СДСМ денеска го повика претседателот на Владата да почне да се занимава со економијата во земјата, како одговор на неговата изјава во која тој го обвини лидерот на опозициската партија Бранко Црвенковски дека не кажува како ќе го реши спорот со името.
- Со оглед на фактот дека и онака не прави ништо на планот на евроатлантските интеграции на Република Македонија, СДСМ му порачува на Груевски конечно да почне да се занимава со разорената економија, растечката сиромаштија, колапсот во здравството, кои се резултат на неговиот ненароден режим, стои во писмената реакција од партискиот Центар за комуникации со јавноста.