Владата нема да го продолжи рокот за пререгистрација на возилата со странски таблички, што истекува на 30 септември.
“Државата го направи максимумот, и дека редно граѓаните да го направат она која што државата ќе ја отслика понатаму како држава во која што владеат ред и закон. Ние немаме намера да го продолжуваме тој рок независно какви и колку протести ќе има. Ние го направивме вистински чекор дадовме шестмесечен рок. Се понатаму би било обиди за изигрување на законските процедури што не смее да го дозволиме“, рече премиерот Никола Груевски.
Тој посочи дека рокот веќе еднаш бил пролонгиран бидејќи завршувал во екот на годишните одмори.
“Владата за прв пат овозможи оваа категорија на граѓани да си го решат прашањето да даде еден рок од шест месеци со кој што им овозможи да го решат проблемот на законски начин. Потоа се побара од нас да биде тој рок продолжен бидејќи завршуваше во екот на годишните одмори, ние имавме слух за тоа и го продолживме до крајот на септември“, додаде претседателот на Влада.