Штип, 22 септември 2010 (МИА) - Тие обвинувања се без аргументи и докази. Во повеќе наврати сум ги повикувал и сега ќе ја повикам Комисијата за лустрација да работи на изнаоѓање на сите случаи. Не ми паднало на памет да ги закочам лустрациите. Ако учествувал некој во таква работа треба да се одговара независно од која политичка партија е, изјави премиерот Никола Груевски во врска со отвореното писмо што до него го упати Љубчо Георгиевски.
- Пред вас стои еден од најголемите поддржувачи на процесот. Го поддржувам со сите сили овој закон. Тие што го коментираа законот во нивно владеење имаа можност да донесат и спроведат закон, но ниту донесоа ниту спроведоа. Оние што го спроведуваат сега се обвинети за тоа, рече Груевски по промоцијата на новите издание од проектот „Превод на 500 стручни, научни книги и учебници“ на Универзитетот „Гоце Делчев“ во Штип.