Гостивар, 21 октомври 2010 (МИА) - Мртво тело на жена на возраст од четириесетина години е извлечено од Вардар на излезот од Гостивар. Идентитетот на жената не е утврден.
Телото на жената, во водите на Вардар во непосредна близина на градскиот стадион, била забележана од вработени во гостиварската болница. Тие тврдат дека се уште била жива , но не можеле да и помогнат, бидејќи, водата брзо го носела телото. Очевидците ја алармирале полицијата која подоцна го нашла телото во атарот на населбата Мало Турчане, на место каде Вардар тече помирно.
Полицијата, заменик јавен обвинител, истражен судија и екипи на крим техника вршат увид и работат на утврдување на околностите кои довеле до давење на жената.
Првично се знае дека жената во водите на Вардар паднала на најмалку 3 километри оддалеченост од местото каде е најдена.