Брисел, 29 октомври 2010 (МИА) - Средбата меѓу двата премиера беше конструктивна, а разговорите позитивни, но неопходни се повеќе средби и продолжување на дијалогот за да се надмине проблемот, оцени Средбата меѓу двата премиера беше конструктивна, а разговорите позитивни, но неопходни се повеќе средби и продолжување на дијалогот за да се надмине проблемот, оцени министерот за надворешни работи Антонио Милошоски по вечерашните разговори на претседателите на владите на Македонија и на Грција, Никола Груевски и Јоргос Папандреу, во Брисел.
Тој рече дека се разговарало за повеќе теми од политика, економска криза, регионални прашања, но оти најголем дел од времето бил посветен на македонско-грчкиот билатерален спор.
- Сметам дека разговорите можат да се оценат како позитивни. Ќе требаат уште многу средби и ќе треба продолжение на овој македонско-грчки дијалог за да може во иднина секоја следна средба да биде прилика за надминување на одредени разлики кои постојат. Важно е што и кај македонскиот и кај грчкиот премиер постои политичка волја на ова прашање сериозно да му се пристапи со цел да доживее одреден напредок кој би можел да значи разрешувње на овој билатерален проблем, изјави Милошоски по средбата.
Средбата, првично закажана за вчера, на барање на грчката страна, беше два пати одложувана поради обврски на Папандреу околу состанокот на Европскиот совет.
Тоа е седми тет-а-тет состанок на двајцата премиери по доаѓањето на Папандреу на чело на Владата на Грција. Досегашните, покрај заложбите за подобрување на билатералните релации, не донесоа напредок во решавањето на прашањето за името.
Премиерот Груевски и министерот Милошоски по средбата со Папандреу заминаа на средба со еврокомесарот за проширување Штефан Филе.
Тој вчера во Брисел разговараше и со високиот претставник на ЕУ за надворешна и безбедносна политика Кетрин Ештон и со генералниот секретар на НАТО Андерс Фог Расмусен.
Македонија е подготвена и има силна волја за надминување на билатералниот спор за Грција околу уставното име под покровителство на ОН со решение што ќе биде прифатливо за народите во двете земји, истакнал Груевски на средбите Ештон и Рсмусен. Ја повторил определбата и посветеноста на Владата кон највисоките надворешно-политички приоритети - членството во НАТО и ЕУ