Брисел, 26 ноември 2010 (МИА) - Европската комисија ги повикува сите политички партии на воздржаност и незлоупотребување на вчерашните случувања кај А1.
- Ги повикуваме сите политички субјекти да се воздржат од злоупотреба на овој инцидент за сопствена политичка агенда, изјави Ангела Филот портпарол на еврокомесарот за проширување Штефан Филе.
Како што јави дописникот на МИА, од Европската комисија соопштија дека делегација на Комисијата во Скопје контактирала со министерот за внатрешни работи Гордана Јанкулоска и побарала појаснување во врска со оваа акција на полицијата.
Од Кабинетот на Кетрин Ештон велат дека се запознаени со случајот, но оти тоа не е во нивна надлежност и засега нема потреба да го коментираат, посочувајќи на кабинетот на Филе како единствен кој може да даде каков било став.