Скопје, 8 декември 2010 (МИА) - Во Македонија од утре ќе има слаби врнежи од дожд, а во вечерните часови ќе бидат поројни проследени со локална појава на грмежи. Во ноќните часови врнежите од дожд постепено ќе поминуваат во снег.
Поради продор на многу студена воздушна маса од север од утре ќе има значителен пад на температурата, проследен со силен северен ветер кој ќе достигнува брзина над 100 км/час и врнежи од снег и на пониските места, особено во северните и западните делови каде се очекува да се формира снежна покривка.
Од Управата за хидрометеоролошки работи информираат дека за време на викендот и на почетокот на следната недела времето ќе биде променливо облачно и студено со повремени врнежи од дожд.