Скопје, 9 декември 2010 (МИА) - Поради продор на многу студена воздушна маса од север во текот на ноќва и утре ќе има значителен пад на температурата, проследен со силен северен ветер кој на моменти ќе достигнува брзина од 100 километри на час. Ќе има повремени врнежи од снег и во некои пониски места каде се очекува да се формира снежна покривка.
Температурата ќе опадне за 15 до 19 степени.
За време на викендот и во текот на следната недела ќе се задржи променливо облачно и студено време со повремени врнежи од снег.
Агрометеоролозите предупредуваат дека силниот ветер може да предизвика штети кај пластеничкото и оранжериското производство и се препорачува да се преземат дополнителни мерки за заштита од ветер.