„Мјузик прогресив квартет“ со концерти во Њујорк и БостонСкопје, 16 март 2011 (МИА) - Македонскиот „Мјузик прогресив квартет“ по три години повторно ќе има концерти во САД. Овој квартет утре ќе настапи во „Ensemble studio Theater“ во Њујорк, а в сабота ќе има настап во Бостон на покана на меѓународниот музички фестивалот „Balkan Music Night“, кој се одржува 26-ти пат.
На концертите во Њујорк и Бостон, „Мјузик прогресив“ ќе изведат композиции кои ќе се најдат на нивниот следен носач на звук, но и композиции од нивниот претходен албум.
„Мјузик прогресив квартет“ е составен од македонските уметници Владимир Лазаревски, Владимир Крстев, Марко Виденовиќ и Паскал Краповски.
Овој квартет досега има настапувано во Австрија, Бугарија, Србија, САД, Русија, Италија и во Македонија.
|