Во Македонија се одбележува Светскиот ден на аутизмотСкопје, 2 април 2011 (МИА) - Во Македонија со низа манифестации денеска ќе биде одбележан 2 април - Светскиот ден на аутизмот.
Во организација на Македонското научно здружение за аутизам кај спомен куќата на Мајка Тереза симболично ќе бидат поделени 300 балони, маици со знакот за аутизам и 1.200 памфлети со основни информации за аутизмот.
Покровители на манифестацијата се сопругата на претседателот на Република Македонија, Маја Иванова и градоначалникот на општина Центар Владимир Тодоровиќ.
На Медицинскиот факултет во Скопје, пак, ќе се одржи панел дискусија за аутизмот и третманот на лицата од аутизам во Македонија и во светот. Панел дискусијата е во организација на здружението на граѓани „Во мојот свет“, а целта е да се подигне свеста дека аутизмот постои и кај нас и ги засега не само поединците, туку и релевантните институции.
|