Скопје, 18 октомври 2011 (МИА) - Хотелот „Александар Палас“ во Скопје ги негира информациите објавени во некои медиуми дека синоќа избил пожар за време на престојот на Емирот од Катар, кој вчера пристигна во дводневна посета на Република Македонија.
Од хотелот информираат дека настанал краток спој при што се запалила светилка во фоајето.
- Потенцираме дека не дојде до пожар, а пожарникарите беа повикани од безбедносни причини. Свечената вечера во чест на високиот гостин, на која присуствуваа и Претседателот и Премиерот, која што се одвиваше во истиот период, мина во најдобар ред, се нагласува во соопштението од хотелот.