Макарска и Кавадарци наскоро ќе се збратимат Кавадарци, 20 јануари 2012 (МИА) - Кавадарци и Хрватскиот град Макарска наскоро ќе се збратимат, а тиквешките џаламари повторно ќе заминат во Макарска каде што на зимскиот карневал со нивните звонци, грди маски и стапови ќе ги избркаат лошите духови од градот на Јадранот.
Маја Дерех од Макарска, водач на карневалска група од тој град во Далмација на денешната средна со новинарите во Кавадарци рече дека меѓуопштинската соработка која датира од пред неколку години се базирала само на карневалска основа затоа што и двата града ги негуваат карневалите, но подоцна соработката се проширила и на други планови како на музички план и економски план.
Таа ја најави посетата која во Кавадарци ќе ја направат бизнисмени од Макарска со цел да се запознаат со можностите за инвестирање во Македонија. Хрватите биле најмногу заинтересирани за македонските традиционални производи како маџун и гроздов сок.
|