Скопје, 16 април 2012 (МИА) - Поголема група млади лица попладнево протестираа пред Владата, барајќи брзо расчистување на петкратното убиство кај Смиљковци.
Меѓу демонстрантите имаше припадници на навивачки групи кои пееја националистички песни и се судрија со дел од полициското обезбедување.
Тие фрлаа и камења кон објекти и новинарски екипи. ТВ Телма информираше дека со камен е повреден нивни снимател кој го следел настанот.
Полициските сили спречија дел од учесниците во протестот да заминат кон Бит-пазар.
За 19 часот е најавен молитвен собир во Соборниот храм „Свети Климент Охридски“ што го организираат невладини организации.
Собирот ќе биде хуманитарна акција за помош на семејствата на петтемина кои брутално беа убиени во четвртокот.