Сојуз на Македонци со исламска религија: Убиството кај Смиљковското езеро да не биде повод за дестабилизацијаСкопје, 10 мај 2012 (МИА) - Сојузот на Македонците со исламска религија во денешното соопштение до медиумите предупредува убиството на децата кај Смиљковското езеро да не биде искористено како повод за дестабилизација на Република Македонија по основ на религија.
- Згрозени од стореното убиство кај Смиљковското езеро, Сојузот на Македонците со исламска религија изразува длабоко сочувство до родителите и семејствата на убиените деца, свесни дека со ништо не може да се вратат и надокнадат изгубените млади животи, се наведува во соопштението.
Од Сојузот на Македонците со исламска религија посочуват дека треба да се дозволи институциите надлежни за откривање на сторителите да ги спроведат сите потребни дејствија, да ги изнесат пред лицето на правдата и да бидат соодветно казнети за стореното.
|