ЗНМ на протест против судските притисоциЗдружението на новинари на Македонија денеска во 12 часот организира протест пред Основниот суд 1 во Скопје со кој ќе се побара од судовите поефикасна примена на судската пракса од Стразбур, сѐ додека не се најде соодветно решение за Декриминализацијата на клеветата:
„Во последно време сме сведоци дека новинари со полициска придружба со носат во судовите затоа што не со одѕвале на судските покани. Ние не сме против примената на ваквата мерка, но инсистираме тоа да биде спроведено неселективно“, велат од ЗНМ.
Здружението потсетува за големиот број тужби за клевета и навреда против новинари, кои се користат како средства за вршење на притисок. За селективната примена на правото и за несоодветнана примена на законите и лошата судска пракса, која не ја следи судската пракса од ЕСЧП од Стразбур. За непропорционалните надоместоци за нематеријална штета, за долгите и неефикасни постапки, кои траат со години и немаат ефективна завршница, за неприменувањето на правилата за каскадана одговорност.
„На протестот ќе изразиме поддршка за судиите кои на одговорен начин ја извршуваат судската функција почитувајќи го домашното и меѓународното законодавство и ќе ги охрабриме да не отстапат од ваквата практика без разлика на евентуалните притисоци. На крај ќе пратиме порака дека ако не се поправат работите ќе мораме да ги посочиме јавно со име и презиме судиите кои на несоодветен начин го применуваат домашното и меѓународното право“, велат од ЗНМ
|