Време е одговорноста да се индивидуализира. Не може за лошата работа на мал број несовесни судии да се прокоцка довербата на целото судство, изјави претседатело на Здружението на новинари на Македонија, Насер Селмани од пред Кривичниот суд во Скопје каде што сеуште во тек е протестот на новинарите и медиумските работници. Иако неколку дена течеше повикот за присуство на протестот, мал број на новинари се одзваа.
“Се собравме овде за да изразиме незадоволство од начинот како некој судии ги решаваа тужбите за клевета и навреда против новинари. Сакаме да ги поддржиме судиите што совесно и одговорно ја извршуваат судската функција и да ги повикаме другите да не изрекуваат високи надоместоци за клевета и навреда за да се умилкуваат кај политичари за функции, туку да бидат европски судии и да судат според закон“, изјави Селмани.
Тој потсети дека судиите се чувари на слободата на изразување и на сите човекови права и слободи, и ги повика да ја следат праксата од Стразбур.