Фото Дневник
На падините на Водно, под хотелот “Панорама“ вчера попушти потпорен ѕид на станбен објект на улицата “Салвадор Аљенде“, поради што неколку семејства беа евакуирани поради можните последици.
Според првичните информации, од попуштениот ѕид било оштетено едно возило, а под притисок биле и останатите потпорни ѕидови во околината.
Станува збор за целосно новоизградени објекти. Една од зградите не била воопшто населена, додека во другата имало станари.
Во текот на денешниот ден се очекува експерти од градежниот факултет да ги утврдат причините за пукањето на ѕидот.