Во Кавадарци поетска манифестација „Поети за промена“Кавадарци 11 август 2012 (МИА) - Во спомен костурницата во Кавадарци веќер ќе се одржи поетската манифестација „Поети за промена“ во рамки на глобалната манифестација „100 илјади поети за промена“.
Владимир Темков, директор на кавадаречкиот дом на култура „Иван Мазов Климе“ денеска информира дека Кавадарци е прв град во Македонија од повеќето во кои се планирани вакви поетски читања.
Главниот настан ќе се случи на 29 септември во Струмица. Кавадаречката публика, истакна Темков, ќе може да се дружи со поетите Вероника Костадинова, Надица Тренчева, Митко Гогов, Светлана Митрева, Милка Миндева, Цветанка Колева, Марјан Тодоровски, Александра Ристова.
|