Скопје, 14 септември 2012 (МИА) - Под влијание на циклонска активност во Медитеранот, денеска и за време на викендот во Македонија ќе преовладува нестабилно време со повремени врнежи од дожд, грмежи, засилен ветер и опаѓање на температурата.
Локално ќе има појава на невреме со обилни врнежи, над 30 литри на метар квадратен, град, силни електрични празнења и силен ветер. Дневната температура ќе се движи од 17 до 25 степени.
Кон почетокот на наредната недела, времето ќе биде променливо облачно со сончеви периоди и со повремен локален дожд.
Управата за хидрометеролошки работи препорачува во случај на појава на електрични празнења да не се престојува на отворен простор и под осамени дрвја.