Скопје, 14 септември 2012 (МИА) - Белграѓанецот Љубомир Периќ-Магаш, во шестото продолжение од своето интервју за „Нетпрес“, тврди дека и цистерни на „Млаз“ од Богданци биле користени за шверц со нафта во деведесеттите години.
- По одредено време, откако се случи тоа со шлеперите со цигари, повторно дојдовме до проблем бидејќи ни уфрлија цистерни на „Млаз“ од Богданци. Прашав зошто тоа се случува. Фрчковски ми рече дека тие мора да возат одреден дел за владата“, тврди Периќ-Магаш.
Во интервјуто тој раскажува дека на крајот, сепак, биле вклучени и цистерните на „Млаз Богданци“ во „бизнисот“ и според негово мислење удел во сето тоа имал и Љубчо Георгиевски.
Шестиот дел од интервјуто со Љубомир Периќ-Магаш може да се види на
линкот.