Скопје, 2 октомври 2012 (МИА) - Пратеничката група на СДСМ попладнево ја поднесе иницијативата за гласање доверба на Владата. Според членот 92 од Уставот, гласањето за доверба на Владата се врши по истекот на три дена од поставувањето на прашањето за доверба. Претседателот на Собранието Трајко Вељаноски седницата ја закажа за петок напладне.
Лидерот на СДСМ Бранко Црвенковски во саботата на митинг во Битола ја најави иницијативата, а денеска на прес-конференција по средбата со опозицискиот блок ја потврди. Причините за поднесувањето, според него, се двомесечната фингирана конфронтација помеѓу владините партнери ВМРО-ДПМНЕ и ДУИ, со што, како што рече, се загрозуваат меѓуетничките односи и интеграциите на земјата.
Последен пат гласање за доверба на Владата имаше на 7 јуни 2007 година, кога претседател на Парламентот беше Љубиша Георгиевски, а премиер Никола Груевски.