Скопје, 9 ноември 2012 (МИА) - Во Министерството за здравство денеска пристигна првата апликација-сертификат од МЕНСА со која кандидатот-конкурент за советник потврдува дека има коефициент на интелигенција (IQ) 156.
Министерството, како што соопшти, на апликантот му благодари за интересот и уште ги охрабрува сите заинтересирани кои ги исполнуваат критериумите, да се пријават на огласот.
На последниот оглас за вработување советници на министерот Никола Тодоров кои ќе бидат ангажирани во Комитетот за сложени анализи, меѓу другото, се бара поседување МЕНСА сертификат (или друг соодветен мегународно признат сертификат) за IQ над 140.