Кривичниот совет на Основен суд Скопје 1 денеска донесе одлука притворот на новинарот Томислав Кежаровски да му биде заменет со куќен притвор.
- Кривичниот совет на одделението за организиран криминал и корупција при Основниот суд Скопје 1 Скопје, постапувајќи по предлогот за укинување на мерката притвор определена против обвинетиот Томислав Кежаровски од Скопје поднесен преку неговиот бранител, ја укина мерката притвор против обвинетиот Томислав Кежаровски и му определи мерка куќен притвор во траење од 30 дена, сметано од 07.11.2013 година до правосилноста на пресудата, односно до започнување со издржување на изречената казна затвор, се наведува во соопштението објавено на официјалната веб-страницата на Основниот суд Скопје 1.
Се очекува во текот на денот, Кежаровски да биде пуштен од притворот во Шуто Оризари.
Новинарот Кежаровски е осуден на четири и пол години затвор за наводно откривање на идентитетот на заштитениот сведок во случајот Ореше.