Скопје, 8 ноември 2013 (МИА) - Зоран Божиновски, еден од обвинетите во случајот „Шпион“ е уапсен синоќа околу 21 часот во Нови Сад, Србија, врз основа на меѓународна потерница.
Како што потврдуваат од МВР, телефонски се известени за апсењето на Божиновски, но чекаат и формална потврда.
Божиновски е еден од 22 лица кои се осомничени и обвинети во акцијата „Шпион“, за изнуда и рекет, а се водел под името „Луди Милојко“.
Претходно, двајца вработени во Агенцијата за разузнавање, двајца во УБК, четворица вработени во МВР, тројца во Министерството за одбрана и по еден во Собранието, Државниот архив и како директор на Управата за финансиско работење, се осомничени за шпионажа.
Лицата се сомничат за шпионажа и соработка со странски безбедносни служби на кои им оддавале класифицирани документи со различен степен на доверливост меѓу кои имало и државни тајни.