Какво време не очекува оваа седмица

Од денес попладне до петок ќе преовладува претежно облачно време со повремени врнежи. Во јужните делови ќе има биде нестабилно со пороен дожд и грмежи.

Врнежите на места ќе бидат пообилни (над 25л/м2), особено во среда, кога ќе има позначителен пад на температурата, па на планините и на повисоките места ќе има врнежи од снег. Ќе дува умерен, повремено засилен ветер претежно од северен правец. Утринските температури ќе се движат од -1 до 8 степени, а максималните од 6 до 14 степени.

Во сабота исто така ќе биде умерено облачно и нестабилно со врнежи од дожд, а во недела  умерено облачно со сончеви периоди но и со услови за  локални врнежи од дожд и пораст на температурите. Утринските температури ќе се движат  од 3°C до 9°C, а дневните од 11°C до 20°C.