Штипскиот Црвен крст почна со обуки за учениците за прва помошШтип, 15 април 2014 (МИА) - Општинскиот Црвен крст во Штип започна со едукација на учениците за пружање прва помош. Секретарот на Црвениот крст, Никола Камчев вели дека до крајот на месецот ќе се организираат натпревари во прва помош во сите основни и средни училишта, а на почетокот на мај ќе се одржи и општинскиот натпревар.
Според него, обуките за прва помош треба да ги посетуваат граѓаните, бидејќи секој треба да знае да даде прва помош на лице кое е повредено при несреќен случај.
- Сакаме да укажеме дека секој треба да знае да даде прва помош. Оној период во рок од пет до 10 минути додека пристигне Итната медицинска помош е доста значаен за дали повредениот ќе има подобра здравствена состојба или пак ако не знаеме да му дадеме прва помош може да му се влоши состојбата, вели Камчев.
Црвениот крст освен едукација на учениците на вештини за прва помош, ги обучува и возрасните. Секој граѓанин кој сака да се стекне со овие хумани вештини, кои можат да спасат живот, квалитетна обука може да се добие во Општинскиот Црвени крст.
|