Штипското медицинско училиште доби донација за поголема заштеда на вода Штип, 16 април 2014 (МИА) - Штипското средно медицинско училиште „Јане Сандански“ доби грант од 3.000 евра за да има поголема заштеда на водата.
Директорот на училиштето, Драги Илиев вели дека оваа донација е преку невладината ОХО, министерствата за образование и за труд и социјална политика, како и од швајцарската Влада.
- Имаме донација за заштеда на вода, тоа се сензорски чешми, кои очекуваме да ја намалат потрошувачаката на вода за 10 проценти. Ние сме задоволни, тоа се грантови до 3.000 евра, ние имаме и други проекти со кои ќе се подобрува енергетската ефикасност и заштедата на водата и електричната енергија, вели Илиев.
Тој нагласи дека заради низата преземени мерки и реконструкции го добиле Зеленото знаме и имаат постигнато поголема енергетска ефикасност и заштеда на пари.
|