Швајцарски средства за заштита на река Брегалница

Кочани, 17 април 2014 (МИА) - Општините од Источниот плански регион од владата на Швајцарија ќе добијат финансиски средства за реализација на проекти од областа на екологијата по сливот на река Брегалница.

- Во проектот се вклучени сите 11 општини од Источниот плански регион.Ова е продолжување на соработката бидејки предходно сите 11 општини по сливот на Брегалница добија донација од по 50.000 швајцарски франци,истакна Тони Тоневски, претседател на Источниот плански регион.

Блаже Станков, градоначалник на Зрновци нагласува дека овие средства општините од кочанскиот регион ги искористиле повеќенаменски. Во Кочани, посочи, ќе се изгради уште еден бунар за снабдување со вода во Грдовски орман, во Чешиново- Облешево за водоснабдување, а во општина Зрновци за регулација на Морошка река.

До крајот на овој месец Источниот плански регион ќе објави повик за пријавување на нови проекти во кои ќе бидат донирани 1.300.000 швајцарски франци.