Супер модерно амбулантно возило донација за општина КичевоКичево, 17 април 2014 (МИА) - Во просториите на општина Кичево денеска делегација од кичевчани, кои се на привремена работа во Германија, на градоначалникот Фатмир Дехари, му ги предаде клучевите од супер модерно амбулантно возило за Здравствениот дом-Кичево.
Градоначалникот Дехари изрази огромна благодарност за донацијата - амбулантното возило, кое, нагласи,ќе биде во служба на сите граѓани на општината.
- Ова амбулантно возило навистина е добродојдено и ќе служи на сите наши граѓани иако искрено посакувам што помалку да има работа бидејќи евидентно е дека за многу итни случаи има потреба за некои интрвенци да бидат пратени во поголемите центри на нашата земја , па затоа вакво возило навистина ни е добродојдено, изјави директорот на Здравствениот дом во Кичево, Осман Сејдини.
|