Партиите потпишаа Декларација за соработка со младите Скопје, 23 април 2014 (МИА) - Тринаесет политички партии во пресрет на парламентарните избори ја потпишаа денеска Декларацијата за соработка со младите, подготвена од Националниот младински совет на Македонија.
Партиите со овој документ се заложија дека во Собранието на Република Македонија ќе работат на унапредување на позицијата на младите во нашата земја.
Декларацијата ја поддржаа Алијансата за позитивна Македонија, ВМРО - Народна партија (ВМРО-НП), Граѓанска опција за Македонија (ГРОМ), Демократска обнова на Македонија (ДОМ), Демократска партија на Албанците (ДПА), Демократска унија за интеграција (ДУИ), Либерално демократска партија (ЛДП), Народно движење за Македонија, Нова социјалдемократска партија (НСДП), Обединети за Македонија (ОМ), Партија за економски промени 21 (ПЕП 21), Социјалдемократски созујз на Македонија (СДСМ) и Социјалдемократска унија (СДУ).
Националниот младински совет на Македонија (НМСМ) е чадор организација на 56 младински организации, организации за млади, сојузи и подмладоци на политички партии во Република Македонија.
|