Скопје, 11 јули 2014 (МИА) - Голем дел од толпата што денеска протестира за случајот „Монструм“ почна да се повлекува кон Чаир.
Денешниот протест почна откако учесниците од Јајапашината џамија се упатија кон Битпазар. Прочитаа проглас во кој се вели дека осудените за „Монструм“ се невини.
Полицијата и демонстрантите се пресретнаа на крстосницата кај Судот кај Бит Пазар.
Организаторите ги повикаа демонстрантите, особено порадикалните, кои фрлаа камења кон полицијата, да го прекинат протестот. Тоа меѓу нив предизвика кавги и тепачки.
Протестите за случајот „Монструм“ почнаа на 4-ти овој месец пред објектите на Основниот суд Скопје 1 – Скопје и Основниот суд Скопје 2 – Скопје кога со камења и други тврди предмети беа оштетени фасадите на објектите и повредени неколку полициски службеници.