Во напредна фаза изградбата на плоштадот „Карпошово востание“ во Крива Паланка

Крива Паланка, 29 јули 2014 (МИА) – Изградбата на новиот плоштад кој се гради пред општинската зграда во Крива Паланка е во напредна фаза, информираа од локалната самоуправа на општината.

Во тек се завршните градежни активности од реализацијата на проектот „Изградба на плоштад со партерно уредување“ со кој се опфаќа оформување на јавниот простор пред зградата на локалната самоуправа на општина Крива Паланка со вкупна површина од 750 метри квадратни.

Плоштадот „Карпошово востание“ се уредува во најголем процент со светол гранит, а 10 проценти од површината ќе биде поплочена со темен гранит.

Во централниот дел на плоштадот со црвен и светло кафеав гранит е изработен симболот „Сонце од Вергина“. Вредноста на проектот за партерното уредување изнесува 17.869.920,00 денари обезбедени од Агенцијата за финансиска поддршка во земјоделството и руралениот развој и Буџетот на општината. Изведувач на градежните работи од проектот е фирмата „Цвет Компани ДООЕЛ“ од Скопје.