Библиотеката од Велес доби стручна литература од Министерството за образование и наука Велес, 1 август 2014 (МИА) - Локалната библиотека „Гоце Делчев“ од Велес од Министертсвото за образование и наука доби донација од стручни и научни книги преведени на македонски јазик, а од кои се учи на светските универзитети.
Како информира Игор Крајчев, директор на библиотеката, добиени се 196 книги или 22 наслови на различни теми и области како право, медицина, уметност и слично.
- Стручната и научна литература може да ги изнајмуваат сите наши членови и да ги читаат и учат од нив во медиотеката, а доколку имаат потреба можат да ги однесат и дома.Книгите воглавно се наменети за студенти и постипломци и им се од голема помош при изработка на нивните семинарски и дипломски трудови,појасни Крајчев.
Велешката библиотека годинава има примено 352 книги од оваа стручна и научна литература, а минатата година 4.500 книги.
Од 2009 година од кога Министерството за образование и наука донира ваква стручна и научна литература, бројот на добиени книги надминува седум илјади, а интересот на нашите читатели за овие книги е голем, потенцира Крајчев.
|