Скопје, 18 август 2014 (МИА) - Едно лице загина во сообраќајна несреќа што утрово се случи на магистралниот пат Струмица-граничен премин Ново Село меѓу товарно и патничко возило.
Како што соопшти МВР, несреќата се случила околу 5:30 часот помеѓу товарно моторно возило марка „мерцедес“ управувано од Р.И. и патничко возило „ауди А4“ управувано од Александар П.(26) од с. Моноспитово, двете со струмички регистарски ознаки.
Од незгодата на лице место починал возачот на „мерцедесот“, додека сопатникот М.К. поради здобиените повреди е пренесен во Медицински центар Струмица.