„Малешевско ѕвонче“ во Берово

Берово, 20 август 2014 (МИА) - На отворената летна сцена на плоштадот „Димитар Беровски“ во Берово се одржа петтото издание на Детскиот музички фестивал „Малешевско ѕвонче“.

Организатори на фестивалот се Студиото „Модерато“ со уметничкиот директор Дарко Димитриевски, во соработка со Советот и градоначалникот на  Општина Берово Драги Наџински.

На фестивалската сцена настпаија: Марија и Мартин Димовски, Стефанија Биковска, Христина Гиздовска, Ангела Илиева, Златко Аврамски, Глигор Царовски, Мартин Топаловски, Анастасија Ковачка и Елеонора Скендерска, придружувани од детските хорови од Берово, од Штип и од Скопје.

Детскиот музички фестивал „Малешевско ѕвонче“ е дел од културно-забавната програма во туристичката понуда на беровчани за бројните гости од земјава и од странство, кои дел од летниот одмор го поминуваат во Туристичките населби Абланица, Беровско езеро, СПА центарот „Аурора“ и во бројните викендички на падините на Малешевските планини.