Охрид, 22 август 2014 (МИА) – Две лица се убиени во оружен инцидент што се случи синоќа околу 30 минути пред полноќ во угостителскиот објект „Империјал“ на улица „15-ти Корпус“ во Охрид.
Според првичните полициски информации, засега непознато лице влегло во објектот и со истрели од пиштол убило две лица. Напаѓачот е во бегство и по него трага полицијата. Иако не се соопштува идентитетот на жртвите, неофицијално станува збор за сопственикот на угостителскиот објект Васко Р. и лицето Ромео Ѓ.
Не се познати мотивите за инцидентот, а причините ќе ги покаже увидот спроведен во утринските часови.