Скопје, 22 август 2014 (МИА) - СДСМ нема да учествува во работата на Парламентот, а ќе дејствува надвор од законодавниот дом со одржување средби со граѓани на кои ќе ги презентира политиките и решенијата за кои се залага.
Рената Дескоска, член на Извршниот одбор на партијата, денеска изјави дека опозицијата целосно се приклучува кон активностите за реализација на новата Стратегија за политичко дејствување.
- Борбата за демократија и подобар живот на граѓаните ќе ја водиме надвор од Собранието, рече Дескоска, најавувајќи дека внимателно ќе следат какви закони ќе се носат во отсуство на опозицијата и ќе реагираат на секој проект што, според нив, е штетен за граѓаните.