Проект на предностите на волонтирањето во Валандово

Валандово, 19 сепетмври 2014 (МИА) - Со имплементација на проект од областа на волонтерството, Општина Валандово ги презентира предностите од волонтирањето, како активност од посебен интерес на Република Македонија.

- Нашата главна цел е да се промовира идејата за волонтерството и да се поврзат младите луѓе без оглед на нивната националност, религија, политички, економски или социјален статус. Вложуваме напори за развој на мултикултурно граѓанско општество, да се зајакне постоечката демократска структура, да се подобри афирмацијата кај младите преку индивидуални способности и вештини и да се поврзат за нивна поголема соработка, посочуваат од регионалната канцеларија на волонтерите во општина Валандово.

Волонтерскиот тим во општина Валандово го сочинуваат тројца правници, економист, етнолог, социолог, археолог и менаџер по туризам кои очекуваат вклучување на повеќе граѓани во општествениот живот како и во развојот на хумано и рамноправно демократско општество.