Скопје, 22 септември 2014 (МИА) - Во МНР денеска беше повикан заменик амбасадорот на САД во Македонија Бартон Путни, при што му беше изразена загриженост поради несоодветното ословување на припадниците на македонското мнозинско население како „Словени“ од страна на новоименуваниот американски амбасадор Џес Линпинкот Бејли, во Комитетот за надворешни односи на Сенатот при неговото сослушување оддржано на 17 септември годинава.
- Ваквото ословување го доведува во прашање идентитетот и ги повредува чувствата на македонскиот народ. Едновремено, несоодветното ословување на македонскиот народ би можело да има негативни импликации на надворешен и внатрешно-политички план, му беше предочено на американскиот заменик амбасадор во Македонија Бартон Путни, соопшти македонското МНР.