Скопје, 19 октомври 2014 (МИА) - Сеизмолошката опсерваторија при Природно-математичкиот факултет во Скопје соопшти дека попладнево во 17:18 часот е регистриран земјотрес во охридското епицентрално подрачје односно 110 километри југозападно од Скопје.
Земјотресот е почувствуван во Охрид и околината со интензитет од три до четири степени според Европската макро-сеизмичка скала–1998.
Според податоците на Европско-медитеранскиот сеизмолошки центар, епицентарот на земјотресот е лоциран точно во Охрид, на длабочина од околу еден километар во земјината кора.
Земјотресот беше краток и не предизвика никаква материјална штета, освен што ги вознемири охриѓани.