Донација од опрема за противпожарното друштво во Демир КапијаДемир Капија, 21 октомври 2014 (МИА) - Донација од противпожарна опрема за 15 пожарникари доби доброволното противпожарно друштво од Демир Капија, информираше денеска Зоран Честоев, претседател на друштвото.
- Се работи за донација која ја добивме благодарение на иницијативата на демиркапиецот Благоја Велковски кој живее и работи во општина во градот Торонто, Канада. Помошта е собрана во рамки на македонската заедница во македонската црква „Свети Илија“, соопшти Честоев.
Помошта се состои во палта, чизми, шлемови, кислородни боци, рачен алат, неколку апарати за гаснење на пожар.
|